Monday, July 10, 2017

ஹெல்மெட் போடு


"மெட்டுப்போடு" பாடல் ராகத்தில் ஹெல்மெட் விழிப்புணர்வுப் பாடல்
-----------
தங்கமே தலையைக் காக்கும் கவசம் போடு
உன் தலையெழுத்தை மாற்றி எழுத சபதம் போடு
எத்தனை உயிர்கள் தந்தோம்
எத்தனை எத்தனை உடல்கள் தந்தோம்
அத்தனையும் போதும் தம்பி வெட்கக்கேடு
ஹெல்மெட் போடு ஹெல்மெட் போடு
நீ பைக் எடுத்து வெளியில் சென்றால் ஹெல்மெட் போடு
ஹெல்மெட் போடு ஹெல்மெட் போடு
ஒரு விபத்து வந்தால் உயிரைக் காக்கும் ஹெல்மெட் போடு.

இடி தாங்கிக் கொள்ள நீ மேகம் இல்லை
நீ வேகம் தாங்கும் தேகம் கொள்ளவில்லை
கட்டுக்கடங்காத காளை போலே சீறவேண்டாம்
கட்டறுந்த பட்டம் போலே விழ வேண்டாம்
இனி சாலை மேலே உன் செந்நீர் வேண்டாம்
உனைச் சார்ந்த்தோர் கண்ணில் கண்ணீர் என்றும் வேண்டாம்
கண்மூடி காற்றில் பாய்ந்து செல்ல வேண்டாம்
கண்கள் மூடி மண்ணில் சாய்ந்து மாய வேண்டாம்

நீ முந்திச்செல்ல
இது பந்தயமல்ல - உயிரைப் பணயம் வைக்கும்
பயணம் நல்லதல்ல
பத்து மாதம் சென்ற பின்பே மண்ணில் வந்தாய்
பத்து நொடியில் விண்ணை நோக்கிச் செல்லவேண்டாம்
உன் வேகம் எல்லாம் உன் தொழிலில் காட்டு
உன் ஆசையெல்லாம் அன்பரிடம் காட்டு
கொஞ்சம் நிதானத்தை சாலையிலே நீயும் காட்டு
நின்று நிலையாக நீயும் வாழ்ந்து காட்டு

- பாலா சிவசங்கரன்

5 comments:

மீரா செல்வக்குமார் said...

அப்படிப்போடுங்க...நல்ல வார்த்தை லயங்கள்...

மோ.சி. பாலன் said...

மிக்க நன்றி மீரா

வேகநரி said...

ஹெல்மெட் விழிப்புணர்வு கவிதை அருமை.

மோ.சி. பாலன் said...

மிக்க நன்றி வேகநரி

மோ.சி. பாலன் said...

மிக்க நன்றி தனபாலன்